endlich neue freunde...

hey alle!!
gestan hob i mi mit da jenny getroffen und daun nu mit a paar andere mädls. es woa soo geil. de san echt olle voi liab und i bin draufkuma das elli goa ned weit von mir weg wohnt nur 4 busstationen.
gestan woa echt so a spaß... wir haum und bei da powell station troffen... des is downtown. ma de straße is a hammer. des is wie in london. überall geschäfter und ois sooo geil.
oba wir warn jo am abend dort... jtz hob i ned shoppen kenna.
oba mocht nix... jtz kenn i de straße :)

najo... jedenfois.... sanma daun essn gegangen. wir woitn zuerst in irgendso a gutes restaurant wos ois gibt und a gute cheesecakes anscheinend. hob leider son an cake nu ned gegessen oba des werd i sicha amoi probieren.
jo und do hätt ma oba 1 stunde warten müssen bis ma amoi an tisch bekommen. jtz san ma in a diner... des woa so in 50s 60s style. so wie in de filme. sooo geil!!

und do hauma daun wos gegessen. ajo ... do woa i mit da elli, rica (is oba nur zu besuch in sf, is au pair in new mexico), jenny und jasmin. daun später san nu sara, conny und steffi kuma.
mit denen sanma daun in an club gegangen tanzen. der club woa von 18 und älter. wir haum zwar nix trinken kenn aba es woa trotzdem a gaudi :)

um hoib 2 san ma daun ham mitn bus.
danke mädls für den abend!!

heite werd i mit de mädls a sightseeing tour machen. do schaun ma uns ziehmlich viel an. und am abend moch ma an dvd abend. wird sicha a lusting werdn.

ajo... i hob nu vagessn das ma 20$ fürn eintritt zoid haum. do zoist oba überall eintritt und 20$ geht eigtl eh... weil manche san nu teurer.

bis bald